250g-ko ontzia

100g fruiturentzat, 50g azukre erabiltzen ditut.

Fruituak, kobrezko tupinan egositako hezur gabeko gerezi osoak dira eta azukrea baizik ez zaie gehitua izan.

Ez dut jelagailurik erabiltzen eta fruituak bilketa egin bezain laster egosten ditut.

Horrez gain, fruitu freskoak baizik ez ditut erabiltzen eta ez ditut inoiz hizozten.

Erabilpen aholkua

Erreximenta horren jastaketa plater batean gasna zati batekin egitea dut gustuko.

250g-ko ontzia

100g fruiturentzat, 50g azukre erabiltzen ditut.

Errezeta familial honentzat, gereziak haien hezurrekin egosarazten ditut mamiz osaturiko erreximenta marmelada baten lortzeko.

Hemen, fruitua ez da gehiago osorik ikusiko, baizik eta leherturik, nahiz eta fruitu guzia oraindik hor egon.

Gerezi mota berarentzat, erreximentaren prestatzeko molde ezberdin horrek, gerezi osoekin egindako erreximentarekin ez du zer ikusirik, biek gustu ezberdinak dituztelako.

Erabilpen aholkua

Erreximenta marmelada hau, gosarietako txigorkietan ezartzeko itzela da eta ogi gainean zabaltzeko erraza. Horrez gain, ardi esnez edo behi esnez eginiko jogurtei, zapore goxo bat ekartzen die.

250g-ko ontzia

Gerezi jus eta agar-agar biologikoarekin eginiko jela.

Gerezi gustu sotila, mahats gustu aire batekin.

Erabilpen aholkua

Dutearekin ogi xerra gurineztatu batekin hartzea gustuko dut.

230g-ko ontzia

Aspaldiko errezeta luzea da.

Gereziaren buztana moztu eta, gereziak banaka eta bizpahiru aldiz hezurreraino xixtatzen ditut.

Ondoren, hiru hilabetez, ozpinarekin espezi ezberdinekin (kanela, muskada eta itze-kanelaz eginiko jus batean mazeratzen uzten dut.

Erabilpen aholkua

Gerezi hauek, olibak bezala aperitifan dastatzen dira.

Horrez gain, ahate bularkia, bildotxkia edota ahate gibela lagun ditzake.

Gisa guziz, ontzia ideki ondoren, hilabete andana batez kontserba daiteke.

100g-ko ontzia

Gerezi marmeladaz eta tipul melatuz egindako saltsa bat da, gazia baita gozoa, Ezpeletako biperrarekin altxatua eta piztua.

Erabilpen aholkua

Plantxan erretako aragiekin jatea gustukoa dut eta originalago, batzuek ene etxeko gasnarekin hartzeko arriskua hartuko lukete...

Ardi-esne huts pasta tinkatua, %100 esne gordina. Jatorri babestuko apelazioa du, hots, AOP (Appélation d’origine protégée).

Eskuz ekoiztua da kobrezko tupinan, etxeko ardien esnearekin.

Euskal Herrian, guti gira manera hortan ekoizten dugunak.

Sotoan hiru hilabetez (gutienez), leundua.

AOP gasna oso baten pizua gutxi gorabehera: 2.5kg.

*21.00 euro kg-a gasna zatia/moztua

Erabilpen aholkua

Nola kontserbatu gasna? Ardi gasnak hezetasuna gustuko du eta oihal busti edo janaria babesteko plastikoarekin luzaz kontserba daiteke, hizotzgailuan edota hotzgailuko barazkien ontzian (haizeztatze sistematik ongi babestua).

Mutxiduren agerpena arazo bat ote? Mutziduren agerpena naturala da… Labanarekin kenduta, kontsumitzen segi dezakegu...